«Қайырымдылық жылы жүректен»

«Мүгедектігі бар адамдар»

 «Қайырымдылық жылы жүректен»

библиотерапия 

Мақсаты: Оқырмандарға қайырымдылыққа шабыттандыру, кітаптардың емдік күші арқылы рухани қолдау көрсету және адамгершілік құндылықтарды насихаттау.

Жүргізуші: Қайырлы күн! Құрметті оқырмандар бүгінгі 6 қазан «Мүгедектігі бар адамдар» күніне орай «Қайырымдылық – жылы жүректен» библиотерапияға қош келдіңіздер! Бүгін біз кітаптар арқылы рухани қолдау көрсетіп, жүректен шыққан қайырымдылықтың маңызын талқылаймыз. Кітаптар – тек білім ғана емес, олар жан жарасын емдеп, адамға жаңа үміт сыйлай алады.

Библиотерапия – кітаптарды рухани әрі психологиялық қолдау құралы ретінде қолдану. Бүгін біз сіздермен қайырымдылықтың рухани күшін кітаптар арқылы сезінуге тырысамыз. Кітаптар бізге мейірім, жанашырлық, ізгілік пен қайырымдылық жолын көрсетеді.

Тақырыптық кітаптан үзінді оқу
 Жүргізуші: Енді біз белгілі бір шығармадан үзінді оқимыз. Бұл үзінді қайырымдылық пен адамгершілік туралы терең ойларға жетелейді.

Үзінді мысалдары: Антуан де Сент-Экзюперидің «Кішкентай ханзада», Лев Толстойдың «Жанды кітаптар» немесе Мұхтар Әуезовтың «Абай жолы» романдарынан алынған қайырымдылық туралы оқиғалар болуы мүмкін.
 Үзіндіні оқығаннан кейін қысқаша талқылау ұйымдастырылады.

Талқылау және ой бөлісу
 Жүргізуші: Оқылған үзінділер бізге не айтты? Қайырымдылықтың мәнін қалай түсінеміз? Бұл құндылықтар біздің өмірім ізде қандай орын алады? Қатысушылар осы сұрақтар төңірегінде ой бөліседі.

Жүргізуші: Балалар сендермен бірге ойын ойнасақ қалай? «Біздің топтың жүрегі».

Мақсаты: жанашырлық сезімін, сенімділігін дамыту, топ ынтымақтастығын жетілдіру.

Нұсқау: Ватман қағазынан үлкен жүректі қайшымен қиып, қабырғаға жабыстырыңыз. Осыдан кейін әрбіреуіңіз түсті қағаздан кішкентай жүректі қиып, оған топқа арналған тілегін жазады. Осы қабырғаға жапсырылған ақ жүректе өмір жоқ, бірақ қазір әрбіреуің бұл жүрекке өздеріңнің жылы лебіздерің жазылған кішкентай жүректі жапсырып, үлкен жүрекке өмір беріп, тірілтеміз. Бұл топтың жүрегі болады.

Библиотерапиялық жаттығу – емдік сөздер жазу
 Жүргізуші: Қайырымдылықты қолдау үшін жылы сөздер ерекше маңызды. Енді сіздерге әртүрлі қайырымдылыққа мұқтаж адамдарға арнап жылы сөздер мен қолдау хаттарын жүрекшенің ішіне жазуды ұсынамыз. Бұл сөздер оларды шабыттандырып, алға жылжуға күш береді.

Қатысушылар хаттарды жазып, кейін оларды шара аяқталғаннан кейін тарату үшін ұйымдастырушыларға тапсырады.

Шығармашылық бөлімі – кітап жасау
 Жүргізуші: Енді әрқайсымыз шағын кітапша жасайық. Бұл кітапшада қайырымдылық туралы қысқа әңгімелер, өлеңдер немесе өздеріңіз жазған ойлар болады. Кітаптарды өзіңізге сақтап немесе мұқтаж жандарға жіберуге болады.

Қатысушылар қағаз, қалам, түрлі-түсті маркерлер арқылы кітапша жасайды. Бұл кітапшалар кітапхана қорына қосылуы немесе қайырымдылыққа қатысатын балаларға сыйлануы мүмкін.

 Қорытынды сөз және алғыс білдіру
 Жүргізуші:  Бүгінгі іс-шарамыздың қорытындысына келдік. Әрбіріміз қайырымдылық пен жылы жүректің адамдарды біріктіретінін, жан жарасын емдеп, қоғамды жақсартатынын түсіндік деп ойлаймын. Кітап арқылы біз мейірімділік пен сүйіспеншілікті қалай көбейтетінімізді көрдік. Сіздерге бүгінгі жылы лебіздеріңіз бен қатысқандарыңыз үшін алғыс айтамыз!

Жабылу және естелік суретке түсу
 Барлық қатысушылар естелік суретке түсіп, залдан таралады.