Сабақтар, іс-шаралар - «Мейірім» арнайы түзету мектеп-интернаты»

24 ақпан 2025 жылғы Арнайы әдістемелік бірлестік жетекшілерінің айлығы басталды

admin — Mon, 24 Feb 2025 17:32:59 +0600

17.02.2025-14.03.2025 жыл аралығында "Мейірім" мектеп - интернатының "Арнайы пәндер" әдістемелік бірлестігінің айлығы ашылуы өткізілді.Тақырыбы: " Ойын технологиялары арқылы ДАҚ және ЕҚД сабақтарында есту қабілеті бұзылған оқушылардың функционалдық сауаттылығын дамыту және қалыптастыру. Мақсаты:Есту қабілетін қалыптастыруда оңтайлы жолдарын анықтау және әдістерін,тәсілдерін меңгерудегі тәжірибелермен бөлісу.

«Использование режимных моментов для закрепления дальнейшего развития речевых навыков и умений у детей с нарушением слуха».

admin — Thu, 30 Dec 2021 21:35:43 +0600

Цель: показать методические приемы и формы организации внеурочной деятельности учащихся с нарушением слуха, обеспечивающие условия для решения задач всех образовательных областей в режимных моментах.

Рухани жаңғыру бағытындағы өтілген тәрбие жұмыстары.

mrm6793 — Thu, 06 Feb 2020 09:04:32 +0600

"Рухани жаңғыру"

mrm6793 — Wed, 22 Jan 2020 16:10:15 +0600

Рухани жаңғыру аясында Тараздың көне жерлерін аралаған оқушылар Тектұрмас кесенесіне барды

Тәуелсіздік күніне арналған іс-шара

mrm6793 — Mon, 09 Dec 2019 04:39:34 +0600

«Абай-дана, Абай-дара»

mrm6793 — Fri, 25 Oct 2019 19:59:33 +0600

Тақырып "Есту қабілетті бұзылған балаларға жүргізілетін жұмыс түрлері"

mrm6793 — Thu, 24 Oct 2019 08:02:49 +0600

24 қазан 2019 жылы Жамбыл облысы әкімдігінің білім басқармасының «Жамбыл облыстық ведомствоаралық психологиялық медициналық педпгогикалық консультациясы» коммуналдық мемлекеттік мекемесінің ұйымдастыруымен «Инклюзия өмір талабы», тақырыбында өткізілген облыстық онлайн семинар «Саңырау және нашар еститін балаларға арналған облыстық «Мейірім» арнайы түзету мектеп интернатының дефектологы Дандибаева Гулнар Жанатқызы қатысып,
«Есту қабілеті бұзылған балаларға жүргізілетін жұмыс түрлері» бойынша  баяндамасымен сөз алды.
Баяндама мақсаты: естімейтін балаларға уақытылы көмек көрсету жүйесін ұйымдастыру; балалардың дүниетанымын кеңейту,қоршаған орта туралы түсініктерін қалыптастыру;
ХХ ғасырдың екінші жартысында сурдопедагогикада естімейтін және нашар еститін оқушыларды бөлек оқыту жүйесі қалыптасты. Естімейтін балаларға арналған арнайы білім беру мекемелерінде оқыту үрдісі маңызды рөл атқарады. Арнайы білім беру жүйесінде естімейтін оқушыларға жалпы білім беру және еңбекке дайындау жатады. Сонымен қатар, ана тілін меңгеруді қамтамасыз ететін қалдық естуін дамыту мен дыбыс айтуын түзету жұмысы және танымдық іс-әрекетін, сөздік-логикалық ойлауын дамыту жұмыстары жүргізіледі. Оқытудың негізгі кезеңдерінде (дайындық сыныбы, І-ІІІ, IV-VII, VIII-X сыныптар) оқушылардың білім деңгейлерін келесі параметрлерге сүйеніп жүргізеді: пәннің бағдарламалық мазмұнын білуі; білімдерін сөйлеп жеткізе білу деңгейі; жаңа білімді меңгере білу қабілеті; алған білімдерін практикада қолдана білуі. Арнайы мектепке келіп түскен балаларды жан-жақты медициналық-психологиялық-педагогикалық тексеру нәтижесінде олардың көбінде біріншілік кемістіктің бірнеше түрі бар екені анықталады, ол өз кезегінде оқу үрдісін меңгеруді қиындатады. Осы жиі кездесетін күрделі кемістіктерді қарастырайық:
- психикалық дамуы тежелген естімейтін балалар;
- ақыл-ойы кем естімейтін балалар;
- вестибулярлы аппараты зақымдалған естімейтін балалар;
- балалық церебральды параличі бар естімейтін балалар;
- бас миында сөйлеу аймағы зақымдалған естімейтін балалар.
Естімейтін балаларды арнайы оқыту жүйесінде қолданылатын арнайы педагогикалық қағидалар бар.
Естімейтін оқушылардың психикалық дамуына жан-жақты әсер етеді. Заттық – тәжірибелік іс-әрекет балалардың сөйлеу арқылы қарым-қатынас жасауын белсендендіреді, диалог жасауға ынталандырады. Аталған қағиданы тиімді қолдану ұйымдастыру формасын дұрыс қолданумен байланысты: ұжымдық, топтық, бригада боп, жұп болып, жеке және т.б.
Сөйлеу арқылы қарым-қатынас жасауды қарқындату естімейтін оқушылардың сөйлеуін қалыптастырудың маңызды жағдайы болып табылады.Естімейтін балалардың сөйлеу арқылы қарым қатынас жасауын қарқындату қарым-қатынас дағдыларының жетілуіне және дағдылануына әсер етеді. Оған қол жеткізу үшін әр түрлі жұмыс формаларын қолданады: айтқанды түсіну және орындау; өз беттерімен сұрақ қойып, оған жауап беру; орындаған жұмыс турады айту және т.б. сөйлеу қажеттілігін жүзеге асыру үшін естімейтін балаларға жазбаша кеспе қағаздарды қолдану көмектеседі.
Француз ғалымы Брока «адамдардың ми сыңарларының сол жақ бөлігінде, адамның дыбыстап сөйлей алуын басқарып тұратын жүйке орталығы бар, ал сөзді қабылдау көптеген анализаторлардың көру, есту, қозғалыс бірлескен қызметін қажет ететіндігін» ашық айтып отыр.
Р.М.Боскистің зерттеуі бойынша, есту қабілеті бұзылған балаларда сөз, байланыстырып сөйлеу тілінің қалыптасуының алғашқы сатысында, жеке сөздерді ғана пайдалана алатынын,сол сөзге байланысты іс-әрекетті де, бір сөзбен ғана айта алатынын дәлелдеген. Мысалы: пияз деп айтып, оны тазалау сөзімен байланыстырып көрсету арқылы айтады. Сол сияқты күрекпен қаздым дегенді айту үшін, күрек деп айтып іс-әрекетті ыммен көрсету арқылы да айта алады. Р.М.Боскиспен қатар, басқа да ғалымдардың зерттеулері бойынша да осылай ым-ишара тілін пайдалана отырып зат пен іс-әрекетті байланыстырып айтатыны дәлелденген. Мысалы: Пышақпен кесу, кесемен ішу, бала ыммен көрсету арқылы өз ойын жеткізе біледі. Есту қабілеті бұзылған балалар қалыпты адамдардың ортасында жүру арқылы да, байланыстырып сөйлеу тілі, сөз байлығы,сөздік қоры аз да болса молая түседі
Есту қызметі бұзылған балалардың көпшілігі сөйлемейді немесе өте нашар сөйлейді, сондықтан тапсырмалар вербальды емес түрде берілу қажет (ауызша түсіндіру пайдаланбайды). Орындалу жағдайы материалдың өзінде берілген немесе ишаратымен түсіндіріледі. Баланың іс-әрекеті оның жауабы ретінде беріледі. Мектеп жасындағы балаларды тексерген кезде қажет болған жағдайда сурдоаударманы пайдалануға болады:
— сапалы талдау деп берілген сынақтарды орындау нәтижесін есептеуді ғана емес, баланың барлық психикалық қызметін мұқият қарауды, оның ағымының жалпы қарқынын, сынақты орындау түрін, оқуға жарамдығын талдауды айтамыз.
Қорыта келе, Есту қабілеті бұзылған балалардың сөйлеу тілі дағдыларын қалыптастру үшін, коррекциялық түзету жұмыстарының әр түрлі формадағы амал-тәсідерін пайдаланып,баланы қоғамнан шеттетпей, оны сол ортаға бейімдеу, сөйлеу тілі дағдыларын қалыптастыру жолдарын жүйелі жүргізу арқылы кемшілікті жоюға мүмкіндік бар деп санаймын.

Тіл – татулық тірегі

admin — Sat, 19 Oct 2019 09:21:27 +0600

«Тіл – татулық тірегі» (дөңгелек үстел)

Өткізілу уақыты: 19.09.2019ж.

Өткізілу орны: Тараз қ. «Мейірім мектеп – интернаты» музыкалық зал.

Мақсаты:Елбасы бағдарлап берген межелерге жету жолдарын талқылауға салу, мемлекеттік тілдің қолдану аясын кеңейту.

Мемлекеттік тілдің мәртебесі мен маңызын кеңінен насихаттау, өзге ұлт өкілдері арасында қазақ тілін білу деңгейін көтеру және оқып үйренуге деген ықыласы мен қызығушылығын арттыру.

Түзетушілік мақсаты:Оқушылардың патриоттық сезімін оятып, тілін, Отанын, елін, жерін сүюге, салт - дәстүрін, тарихын құрметтеуге тәрбиелеу. Оқушылардың логикалық ойлауын, шығармашылық қабілетін дамыту. Өз ой – пікірін білдіре алатын азамат тәрбиелеу.

Көрнекілігі: тіл туралы ұлылар ойдары, баспасөз материалдары, слайд, кітап көрмесі.

Дөңгелек үстел Қазақстан Республикасының Гимнін орындаумен

басталды

Тіл мерекесіне арнаған 5-8 сынып оқушылары тіл туралы өлеңдерін орындап, «Қазақ тілім-мақтанышым» тақырыбына арналған бейне ролик тамашалады.

Жүргізуші дөңгелек үстелдің мақсатымен сұрақтарына тоқталып өтті. Ой-бөліс сұрақтарына мектебіміздің 10 сынып оқушылары өз ой-пікірлерін қызу талқылап, ой бөлісті.

Дөңгелек үстелге қатысушы оқушылар сөзі: Ш.Смаханұлынікі, әні: Ә.Тыналиевтікі

«Ананың тілі-аяулы үні» атты әнін қол қимылы арқылы шырқады.

Оқушылар ой-бөліс соңында кітап көрмесін тамашалап, тіл туралы мәлеметтер алып, тіліміздің жанашырларымен танысты

Тақырыбы: «Бүгінгі білім-ертеңгі болашағым».

mrm6793 — Wed, 16 Oct 2019 17:28:01 +0600

Мақсаты:
1. Оқушылардың пәнге деген қызығушылығын арттыру және өз білімін өзге оқушылармен салыстырып, әрбір оқушы өзінің білім деңгейін топтық жарыста көрсете білуге үйрету.
2. Оқушылардың тез ойлау қабілетін, логикасын дамыту.
3. Оқушыларды өзін еркін ұстай білуін, бірін-бірі сыйлай білуге, уақытын тиімді жұмсауға баулу.
Сабақтың түрі: Сыныптан тыс жүргізілген сайыс сабақ
Жабдықтар: проектор , баннер
Қатысушылар: 8,9 сынып оқушылары.
Жүргізуші:
Әділқазылар мүшелері: Математика, информатика пән мұғалімдерінен құралған мүше.

Жүргізуші: Сәлем бердік, құрметті ұстаздар, әділ-қазылар, оқушылар! Сіздермен бірлесе отырып «Бүгінгі білім ертенгі болашағым» атты сайысымызды бастауға рұқсат етіңіздер.

Ойын толқын, айналған қатты ағысқа
Табылғандай танымда, жат дауыста.
Біреу озып келеді қатарынан,
Біреу қалып жатады асығыста.

Ойын толқын жатқанда асып, тасып,
Біреу мығым, біреулер шалыс басып.
Бұл ойыннан өтеді ғұлама ойлар,
Жеңсеңде жеңілсе де қалма жасып.

Алдымен ойынға қатысушы талантты да дарынды оқушыларымызды қошеметпен ортаға шақырайық. Оқушыларды екі тоқа бөлу. 1-топ «Зерек», 2-топ «Алғыр».
Бүгінгі сайысымыз 7 кезеннең тұрады. Сайыс барысымен таныстырамыз (Слайд шоу)
Сайыс кезеңдері.
1-кезең. “Таныстыру”
2-кезең. “Бәйге!”
3-кезең. “Кім жүйрік?”
4-кезең. “Адасқан әріптер”
5-кезең. “Кім жылдам?!”
6-кезең. “Суретші”
7-кезең. “Логикалық сұрақтар”
Сергіту сәтті «Құбыр»

Көрермен жиналған бұл тамашаға ,
Құр қарап жай отыру жараса ма?
Туыс, досқа, сыныптас, танысқа емес
Соқ қолынды, білімді жас талантқа,-дей отырып, ойынымыздың «Таныстыру» кезенің бастаймыз.
I-кезең. Таныстыру (5 ұпай)
Әр топ басшысы өз тобын таныстырады. Ұпайды әділқазылар алқасы қояды.
2 - кезең. ”Бәйге” . Бұл кезеңде әр топқа 10 сұрақ және 2 минут уақыт беріледі. Әр топ өз сұрақтарына жауап береді. Әр сұрақтың бағалануы – 5 ұпай.
«Зерек» тобының сұрақтары

1 байт неше биттен тұрады? 8
Бұрышты өлшейтін құрал қалай аталады ? транспортир
Компьютердің ең негізгі құрылғылары? жүйелік блок, пернетақта, монитор
«Р» әрпінің математикалық мағынасы қандай? периметр
Ақпаратты қағазға басып шығаратын құрылғы принтер
Натурал сандар қандай әріппен белгіленеді? N
Бірінші электронды есептеуіш машина қай жылы жасалды 1946 жылы
2 ғасырда неше жыл бар? 200
Жыпылықтап тұратын тік сызықша меңзер
Шеңбердің ең үлкен хордасы қалай аталады? Радиус

«Алғыр» тобының сұрақтары:

Бір сабақ неше минут болады? 40 минут
Windows сөзінің қазақша аудармасы терезе
Градус деген латын сөзі нені білдіреді? баспалдақ
Бүкіл әлемдік желі /интернет/
Атақты әйел математик кім? Декарт
Жою пернесі Delete
Ең үлкен екі таңбалы сан? 99
Компьютерден өшірілген құжаттар сақталады корзина
Қосудың элементтерін ата. Қосылғыш,қосылғыш, қосынды
Компьютер жанына қойылатын өсімдік кактус

3-кезең. Кім жүйрік? Бұл кезеңде оқушыларға сұрақ қойылады. Экрандағы ұяшықтарға  әр түрлі пәндерден  (Абайтану-математика-информатика) бес сұрақтан  беріледі. Әр сұрақ   бес балдық жүйемен  бағаланады.
1) Абайдың шын аты кім?
2) Абайдың қара сөздерінің саны қанша?
3) Абайдың немере інісі кім?
4) Абай қай жерде туылған?
5) «Абай жолы»  романын кім жазған ?
6)Ақпаратты қағазға  шығарады,Бұл құрылғы қалай аталады?
7)Кеміреуішке ұқсайды сырт бейнесі
   Түсі оның құйрығы ұзын
   Ойланып болсаң жауап берши
    Қалай деп аталады оның аты?
8)Компьютердің ең басты бөлігі ,компьютердің миы?
9) Компьютердің экранына ақпаратты шығаратын құрылғы?монитор
10) Компьютерге графикалық ақпаратты енгізетін құрылғы? сканер
11)Суретте неше шаршы бар? 14
12)Шеңберді немен сызамыз? циркуль
13)Барлық қабырғалары тең төртбұрыш? Квадрат
14)Бір бұрышты тік үшбұрыш қалай аталады? Тікбұрышты үшбұрыш
15)Бір тәулікте неше сағат бар? 24

4-кезең «Адасқан әріптер». Бұл кезеңде әріптерді өз орнына қою керек.(5 ұпай)
1-топ
1.Юслп-плюс
2. ТРИОНОМ-монитор
3.Кеідңтсзі-теңсіздік
4.РОССЕЦОРП-процессор
5. Снуми-минус
6.ПЕРРИНТ-Принтер
2-топ
1.РОДПЬЮКЕМ-компьютер
2.Дкітңе-теңдік
3.НЫТШАҚ-тышқан
4.Бмор-ромб
5.МЕМДО-модем
6.Шғызайа- азайғыш
5-кезең «Кім жылдам!» Төменде тапсырмалар беріледі Шиден құралған теңсіздікті табу
6-кезең. “Суретші”. Бұл кезеңде оқушылар оң қолымен  тортбұрыш сол қолымен шеңберди бір мезетте суретін салу
7-кезең. “Логикалық сұрақтар”  Бұл кезеңде логикалық сұрақтар беріледі. Әр топтың айырмашылықтарды табуына байланысты қазылар алқасы баға береді. Ең жоғарғы баға – 10 ұпай.
1)Тауық 2  аяғымен тұрғанда 5кг, 1 аяғымен қанша кг болады?
2) Екі адам шахматты 2 сағат ойнайды? 1 адам қанша  сағат ойнайды?
3)188-ді екі бөліп 100 санын қалай алуға болады? /188-дің ортасынан бөледі/
4)Түнгі 12-де жаңбыр жауып тұр. 24 сағаттан соң күн көзі шығып тұруы мүмкін бе?
5)Бір жұмыртқа  3 минутта піседі, ал 8 жұмыртқа неше минутта піседі?
6) Теңіздің ортасында не бар?
(“ң” әріпі)
7)Бір бөлмеде 9 свеча жанып тұр, үшеуін
сөндірсек қаншауы қалады? /Үшеуі қалады, қалғандары жанып,
таусылып жоқ болады/
8)Қай айда 28 күн бар? (Барлық айда)

Әділқазылар ұпайларын есептегенше оқушылармен «Құбыр» атты
сергіту сәтті ойнатылады.
Қорытындылау!
Жүрекке адалдықтың ескен гүлін
Ғажайып келешектің төккен үнін
Ардақты ұстаздарға шын көңілден
Жолдаймыз біз алғыс бүгін
Көңіл қойып тыңдағандарыңызға көп-көп рахмет. Қош сау болыңыздар!!!

«Қазақ тілі – ел туы» тақырыбындағы пәндік апталықтың жүргізілу жоспары

mrm6793 — Mon, 14 Oct 2019 19:06:28 +0600

«Қазақ тілі – ел туы» тақырыбындағы пәндік апталықтың жүргізілу жоспары
«Өз тілі мен әдебиеті бар ел ғана дербес ел бола алатынын біз ұмытпауымыз керек».
А.Байтұрсынов
Мақсаты:
• оқушылардың қазақ тілі мен әдебиеті пәнін оқуға қызығушылығын арттыру,
• елжанды ұрпақты қалыптастыру,
• мемлекеттік тілді құрметтеуге, сол арқылы толеранттылыққа тәрбиелеу.
Қазақ тілі мен әдебиеті пәнінің әдістеме бірлестігінің 14.10.2019ж. -18.10.2019ж. аралығында өтетін апталықтың жоспары:

Р/с	Мерзімі/уақыты	Мазмұны	Сыныптар	Жауаптылар
1	14.10.2019ж.	«Апталықтың ашылуы», «Қабырға газеттерін ілу»	5 - 10	Қазақ тілі мен әдебиеті пәнінің мұғалімдері
2	16.10.2019ж. 11.50 -12.30	«Қайырымды бала» Ашық сабақ	3 «Б»	Н.К.Саденова
3	16.10.2019ж. 12.35 – 13.15	«Қазақстан – мұнай мекені» Ашық сабақ	8 «Б»	З.К.Сатаева
4	16.10.2019ж 14.00 – 14.40	«Абай Құнанбаев – ұлы ақын» Сыныптан тыс іс - шара	7 «Б»	Р.Н.Мусилтаева
5	17.10.2019ж. 14.00 – 14.40	«Қожа мектепте» Сыныптан тыс іш - шара	5 «А», 5 «В»	Г.Б.Умирбекова Р.К.Ногайбаева
6	18.10.2019ж	ӘБ апталығының жабылуы Апталықтың қорытындысы	5 - 10	Қазақ тілі мен әдебиеті пәнінің мұғалімдері

«Қазақ тілі мен әдебиеті» пәні бірлестігінң мұғалімдері «Қазақ тілі – ел туы» тақырыбы бойынша 14.10.2019ж. қабырға газеттерін ілді.

8 «Б» сыныбында 16.10.2019ж. күні З.К.Сатаева «Қазақстан – мұнай мекені» ашық сабақ өткізді.
7 «Б» сыныбында 16.10.2019ж.күні Р.Н.Мусилтаева «Абай Құнанбаев – ұлы ақын» сыныптан тыс іс – шара өткізді.
Н.К.Саденова17.10.2019ж. 3 «Б» сыныбында «Азға қанағат ет» тақырыбы бойынша ашық сабақ өткізді.

5 «А» , 5 «Б» сыныптарында Г.Б.Умирбекова мен Р.К.Ногайбаева «Қожа мектепте» атты сыныптан тыс іш – шара өткізді.
Қорытынды:
2019 жылдың 14 - 18.10.2019 оқу жылында «қазақ тілі мен әдебиеті» пәні бірлестігінің апталығы өтті. Белгіленген жоспар бойынша әртүрлі іс – шаралар өтті. Апталықтың ашылуына мұғалімдер қабырға газеттерін ұйымдастырып, қабырғаға ілінді. Барлық шығарылған газеттер мәнді және мазмұнды болды. Үзіліс кездерінде оқушылар газетте берілген өлеңдер мен сөзжұмбақтар, ребустарды шешіп, қызықтады.
Қазақ тілі мен әдебиеті пән мұғалімдері түрлі әдіс - тәсілдерді қолдана отырып, оқушылардың мемлекеттік тілді жетік меңгеріп білуіне көңіл бөліп, пәнге деген қызығушылықтарын арттырып, ізденімпаздық қабілеттерін оята білді.
Қорыта келгенде қазақ тілі мен әдебиеті пәнінің апталығы белгіленген жоспар бойынша жақсы деңгейде өткізілді.